爆辣冷麵

Open Now

Now Closed

聽過好多朋友講呢間冷麵好好食，但係之前聽過話佢衛生環境唔係太好，所以一直都驚驚地，不過朋友又同我講話原來佢哋搬咗舖頭，而家舖頭所在嘅商場乾淨好多，咁今日嚟到元朗就一於去試吓啦。一去到見到個鋪面又真係好乾淨喎，而且入面兩位職員都好快手同埋有禮貌，咁一於叫多啲嘢嚟試吓啦。爆多蟹籽冷麵一見到最吸引嘅就係呢個爆多蟹子冷麵，返到屋企一開，估唔到真係多到咁，蟹子就嚟滿出個盒度。而食落蟹子同冷麵嘅味道好夾，而且蟹子食落都好新鮮，又辣又開胃呀。賽磅蟹杯麵 呢個賽螃蟹杯麵都好特別，係用一個長嘅杯嚟裝，我叫咗小辣，食落辣味同蒜味啱啱好。生蒜油 呢個又係聽朋友介紹一定要買來試，我拎咗少少嚟撈麵食，佢嘅蒜蓉真係好香口，而且唔會太辣，小朋友都食得，我諗如果叫最辣嘅話應該好開胃。蟹子沙律呢個蟹子沙律比我想像中豐富好多，佢有好多青瓜絲做底，食落好似青瓜麵咁，好啱減肥嘅人食。而且食完又係好開胃，會越食越想食，啱晒夏天。呢間爆辣冷麵又平又抵食，而且而家環境仲好好多，真係好推薦經過既人買外賣嚟試吓啊。