於是同屋企人試一次, 點知, 大家都一致認為呢間野 [冇下次]...
1) 食物要等好耐先有
2) 食物等好耐唔係代表佢即叫即蒸, 而係佢人手唔夠, 食物來到的時候都已經凍哂...
3) 全部食物都比其他酒樓的細碟, 每款都係 [迷你版]...
4) 鳳爪瘦到見骨, 連皮都冇, 又硬, 又唔入味, 擺到明未煮林...
5) 蝦餃皮厚
6) 叫極都冇人加水
食食0下, 突然有職員嗌咪, 話要提升服務質素, 如果大家要埋單,
就要安坐位中, 等職員幫手, 唔好自己走出去收銀位埋單喎...
講真, 大家食慣左紫荊, 都係自己搵位, 自己走去埋單0架啦,
點解唔照樣係咁喎...
埋單你就快呀, 加水同拎野食就冇人, 都唔知搞咩!!!
我地四個人, 叫左 11 碟野食, 埋單要二百四十幾蚊,
相比其他酒樓, 佢d 野又貴又唔好味.... 真係 [冇下次] 呀!!
