伊賀日本燒肉料理 (Closed)

男朋友生日係openrice 搵左幾間俾佢揀，其他都係銅鑼灣所以佢揀左依間近d ，睇評論見大部分都係好評，點知又中伏6點3就去到，個陣無咩人，入座後佢都即刻拎左刺身同肉嘅拼盤上黎。刺身個盤勁大😂但每樣野每人其實得兩件，唔知係咪會按人數俾。兩個拼盤應該都係俾你試下你中意邊樣多d一陣再叫。刺身都幾好味嘅，但d肉真係勁普通，仲要連雪都未融，我就知出事啦😰😰😰不過唔好食都要食架啦，之後再叫左其他野黎果然不出所料，所有野都好普通。其實一心諗住黎食牛肉，但係牛肉無牛味...認真依個價，係觀塘銅鑼灣都食到高質燒海鮮加燒肉任食任飲放題，真係唔需要係度食。 旺角都有好多平過佢又好食過佢。仲有依度唔包飲品，要加30蚊先有無酒精飲品任飲😑 我都一定唔會單叫十幾蚊叫罐可樂，所以加左48叫左杯啤酒。加埋一兩個人 hkd 708 ， 無下次仲有依間舖係極大煙，抽氣做得好差，個場未爆已經極大油煙。