牛扒先生 (新都會廣場) (Closed)

同朋友滿心歡喜去食開工飯，因為就腳同唔使等位所以去左葵芳mr steak。第一次幫襯, 無咩期望, 但係食完2個人都大失所望。前菜揀左凱撒沙律, buffalo wings同埋炸魷魚圈, 沙律好似無dressing 咁, buffalo wings同埋炸魷魚圈都係凍&"林"嘅, 而且buffalo wings完全無辣同酸味, 正確d 來講係無味的。原本其中一個主菜點左大蝦配意粉, 不過一上菜, 見到個賣相, 一邊開邊蝦加幾條青草訓響一堆超乾的意粉上面,  挑起一條試食一啖, 又係唔熱嘅, 當場無晒食欲。真心要求換另外的主菜, 好彩職員亦爽快答應。 結果2個主菜分別係安格斯牛扒同埋豬肋骨配海蝦, 其實主菜味道係ok的,而且份量超大。問題係, 除左份量足之外, 以咁的價錢來講, 佢食物的質素遠遠差過價錢同級的食肆。枉佢叫mr steak！我同朋友都有感歎係咪依家的物價指數真係太高, 或者我地太高要求, 但係被我揀, 我寧願食茶記或 大x 活。一致覺得唔抵同埋以後唔會再幫襯。