角落咖啡廳 (Changed Hand) New Restaurant

到中環跟朋友high tea， 位於蘭桂坊一間打卡咖啡室。顏值一流，食物仲超水準。主食配飲品及甜品，人均消費約二百元， 中環價錢一啲都唔貴。 仲有好多打卡位，呢度好靚，心情都好啲💕煙三文魚脆肉瓜麵$148👍🏻呢個超健康，麵條係翠玉瓜絲。三文魚有煙燻既味道，仲有鹹香。 煙三文魚份量超多，呢個好抵食。金箔蟹膏蟹肉意大利飯$148👍🏻意大利飯份量多，一個女仔食唔曬。個蟹膏好甘香，仲有蟹肉金箔，打卡真係一流， 又睇得又食得，好滿足。Mint chocolate+$26👍🏻薄荷味好出，超甜嘅朱古力啱曬我，好醒神。Rose latte+$26👍🏻呢個玫瑰latte 好大陣玫瑰味，唔會太甜， 而且顏值甚高，我好鍾意啊。柚子芝士蛋糕 👍🏻我鍾意柚子味嘅芝士蛋糕，因為可以減低芝士蛋糕heavy 感。 柚子好清新，感覺食極都唔膩。奶茶蛋糕👍🏻好鬆化嘅蛋糕，空氣感十足， 奶茶味好香。 仲有幾粒爆谷，好脆。甜品擺盤非常靚，見到靚嘢，心情都靚啲。#角落咖啡廳#打卡cafe#中環cafe