My Burger (東廣場)

Open Now

Now Closed

聽同事講東廣場有一間漢堡小店好好食，午市晚市都有好多人，講到咁好味，當然要去試吓。黎到東廣場果然真係好多人，好彩唔使幾耐已經有位，淨係喺鋪門口都聞到burger嘅香味，店舖睇細細間，但係已經有好多款漢堡可以俾你選擇，仲多過一啲連鎖店！咁啱今日夠肚餓，見到有個叫做大隻佬漢堡，啱晒我！呢個漢堡餡料夠晒豐富，有沙律菜、蕃茄、芝士、紅菜頭、大啡菇同埋洋蔥。漢堡嘅麵包軟熟，漢堡扒當然係肉汁豐富，肉味濃郁！鍾意佢配返紅菜頭，蕃茄等等唔同種類健康又清新嘅菜，食咗罪惡咁都冇咁重！配埋炸得香脆嘅薯條，滿足又充滿力量，繼續開工！