My Boat (Closed)

🍝蒜香煙鴨胸雜菌意粉好味指數：👍🏻👍🏻👍🏻👍🏻一咬落去就有好勁嘅蒜味，都有加份蘑菇塊增加口感層次。鴨胸肉肥瘦均勻，煙薰味就唔太突出，不過都係好好味。同樣鴨胸肉都係有5塊。不過呢款意粉因為冇醬汁，所係就比較干身，鐘唔鐘意食就見人見智啦。🍲忌廉粟米蘑菇湯好味指數：👍🏻👍🏻👍🏻👍🏻👍🏻超超超超超濃郁，湯料有肉、蘑菇同埋粟米。鐘意飲濃湯嘅你唔可以錯過 👅🍰芝士蛋糕：好味指數：👍🏻👍🏻👍🏻不過不失。呢個芝士蛋糕係硬身質地，但小編比較習慣硬身質地嘅芝士蛋糕配有消化餅底先更加完美。芝士味都足夠👍🏻🍹奶茶好味指數：👍🏻👍🏻👍🏻同平時飲到嘅差唔多，但用左個靚靚玻璃杯裝住，打卡一流，加分加分📷🪑裝修不得不讚揚店主好有心機咁裝修店舖。成間鋪頭就係用船為主題，周圍都係啲同船有關嘅裝飾物，家私同牆身都係用藍色為主調。🍽連餐具都好講究，意粉係用船狀嘅碟裝，湯就係用魚形嘅碟裝，蛋糕係用海星形嘅碟裝，而調味粉就用燈塔形嘅樽裝好。極度細心❤️