勇記海南雞

Open Now

Now Closed

放工即刻衝黎碰運氣，見到已經阻截左龍，點知店員話廚房點緊雞的數目，可能仲有得食，可以等多陣睇下有冇。點知真係咁好彩，食到最後兩隻。幸運地有雞食，好開心。一場黎到想試多啲野，叫左個二人餐，有墨魚餅同手拍青瓜兩款小食。手拍青瓜一啲都唔辣，少少油，味道合理正常。墨魚餅就有少少失望，個樣有啲頹，而且好油，冇咩特別，味道一般。當日例湯已經冇哂，送花茶，幾香玄米味，飲落好舒服。主角出場!!! 真係好滑好香，連平時唔食雞的我，都食清光！雞皮一啲都唔油，好爽，根本食左都唔知係雞皮。不論雞脾定雞胸都好滑，大推。油飯真心粒粒分明，軟硬適中，咁平食到咁高質素，真係唔洗去酒店食。