小魚兒 (寶漢大廈) (Closed)

最愛食辣辣辣辣辣🌶️又同豬媽食辣野，今次食烤魚🤤烤魚有好多唔同湯底，辣有唔辣，無辣不歡既我地簡左活火山泡椒剁椒豆花海鱸魚中辣+紅薯粉到枱之後等5分鐘就食得，上面仲有其他配菜，豆腐，洋蔥，青瓜，亦都有花椒，泡椒，辣椒去為辣湯底調味，泡椒食落都辣😋條魚好大條～肉都好多，而且得一條大骨，好方便夾啲魚肉黎食薯粉好煙韌，放落去煮到吸哂啲湯汁再食好惹味😍見佢有燒海鮮就叫埋燒扇貝同燒蠔，大滿足😋蒜蓉牛油燒扇貝🐚面頭勁多蒜蓉，牛油味都好香，燒到入哂味好好食🤤四川麻辣燒生蠔🦪蠔肉好大，上面都係超多蒜蓉，而且落埋麻辣粉，好惹味，下次可以直接叫半打😝