道頓堀御好燒專門店 (K11購物藝術館) (Closed)

今次去左K11呢間食大板燒既餐廳，由於無訂位，walk-in排隊大排長龍，可能好多人見到要等咁多個都無等走左，號碼叫得好快等左一個鐘左右就到我地，我地點左個兩人套餐。前菜係煙肉凱薩沙津，煙肉係自己燒，生菜都好新鮮，連唔係好食沙津既我都覺得幾好食。御好燒，有哂教學教你到底點樣整，睇完之後我地跟住步驟就開始自己整啦，煎5分鐘就要轉一次，3次之後就完成喇，係咪幾成功呢，原來都幾易，賣相都唔差，食落都覺得幾好食。牛肋骨唔算太香牛肉味，不過都幾軟，都ok。牛油帶子廣島燒，好似同御好燒差不多味，但多左炒麵，份量都幾多。整體黎講都唔錯，又有得自己燒下野食，算係比較特別，下次黎可以試下叫其他野食。