栢檔極品海南雞飯

Open Now

Now Closed

由幾年前已經好鐘意係呢到食飯，因為價錢唔算貴，地方大唔使點等位，食物質素仲相當高。但自從大概一年前搬左去現址之後，鋪面細左好多，等位情況就時常都出現。今次係我第一次買外賣番屋企食，之前一直都係堂食既。今次買左一人套餐（$55）,包括一個菜，一個去骨海南雞飯，同埋餐飲。生菜既份量都相當多，一路食個海南雞飯配埋個生菜都幾解滯。相對於淨嗌一個海南雞飯，有埋菜同野飲既餐都只係加$10,所以都幾抵既。而個海南雞飯就係去哂骨既，啲雞肉好滑，去左骨啖啖肉食起黎好方便，雞皮都唔會太油，平時唔食雞皮既我都忍唔住食左兩啖。但唔知係咪因為外賣，個飯就硬左少少，無論係油飯定白飯都比較硬，但份量都幾多既。重點係嗰三個醬，一個蔥油，一個醬油，一個甜酸醬。呢個飯既重點就係個醬到，好香，無論係點雞定撈飯都十分之惹味，唯一缺點就係外賣俾醬既份量太少啦，如果堂食的話食完可以要員工再加俾你。呢個飯趁熱辣辣食會好食好多，外賣都真係差啲，建議堂食會比較好 。環境方面，餐廳係用快餐店形式，地方細細比較迫夾，同埋係會搭檯既。