雖然無一般酒樓坐得咁舒服, 亦無任何裝修可言, 但係出奇地「便宜」+「好食」!
下午茶係1點半入座起計, 只係星期一至六有下午茶, 茶錢只係$1/位, 點心大部份都係$7/籠, 湯粉麵, 盅頭飯都係$9/碗, 但今次無食, 主攻點心, 兩個人叫咗5個點心:
蝦餃($10) - 唔太大粒, 中size, 皮薄唔黏筷子, 一啖一粒, 蝦爽+少少肥油, 好香口
燒賣($7) - 冬菇味+豬肉味+少少肥豬肉香, 正
流沙蔴蓉飽($7) - 而家好少地方有得食, 久違咗嘅味道, 雖然唔係流沙, 但都好正!
雞扎($8) - 滑雞+魚肚+火腿+粟米, 用腐皮包住, $4一札, 大大札
南瓜蒸排骨($7) - 蒜蓉味唔夠香, 純蒸排骨, 下次會試其他野!
食到飽飽都只係$40, 真係未試過飲茶埋單咁平!!
