邊爐湯底有4款，我地揀左芝士蕃茄同海鹽牛油海鮮湯。蕃茄湯夠濃但唔會太酸，適合配肉類同蔬菜。
而海鹽牛油海鮮湯就顧名思義好適合配海鮮。
講起海鮮，呢個餐既海鮮相當有誠意，有大蝦，帆立貝，生蠔，全部都好新鮮。除左海鮮之外仲有唔同既蔬菜，仲有我好中意食既韓式魚糕，
同埋彈牙日本烏冬。
當然仲唔少得肉類啦，有美國牛肉同福岡豚肉，兩款肉都有肉味，肥瘦均勻。
喺等緊火鍋入面既食物熟時，可以食住串燒！有車厘茄，雞軟骨，蕃薯仔同燒雞翼。
真心覺得燒雞翼非常出色！雞皮燒到冇哂脂肪卜卜脆，雞肉亦好juicy，入哂味。
仲有大大個燒三文魚頭，一d都唔腥，而且魚皮都係好香脆，仲非常多魚肉。
另外要左2杯飲品，分別要左熱柚子蜜同菠蘿波子汽水。
最後追加左個抹茶蛋捲做甜品，
蛋糕既抹茶忌廉夠濃夠滑。
十分滿意呢個宵夜。
