炯記餐室 (美麗閣)

Open Now

Now Closed

下午在北角有會開，完結后有些肚餓，沿住英皇道向炮台山行，睇吓有冇下午茶食吓。見到炯記窗橱掛住一隻隻燒鵝，漲卜卜，红噹噹，流晒口水，就入去試下，order咗燒鹅下午茶時段套餐，連飲品$43，平就平，是不是抵食，呢層就要食完先知。碗鵝飯大约都有六、七件鹅，有胸肉和連肋骨鹅件，不肥，皮有少少皺和淋咗，不過蓋在碗熱飯上都ok的，鵝肉不乾有鮮美，亦有陣陣香料發放出來的味道，醎道適中，很久已不敢食鵝了因驚牠肥，現在只食六、七件，倍覺好味👍一不做、二休，叫埋個冬菰醬汁豬手，超淋又入味，洗得非常乾淨，没有豬臭味，一條豬毛也没有，走時想叫多個地獄口水雞打包，都係下次再來先買吧，順便食埋其他美食😋😋