鴻圖樓茶餐廳

Open Now

Now Closed

係觀塘辦完事已兩點幾，未食飯的我們想食飯。鴻圖的下午茶一點九就開始，炒粉麵飯夠大碟又夠平。三點半後仲要再平啲。餐廳面積頗大，比一般茶餐廳寬闊，燒味尤其出色。叉燒拼切雞飯（$35）叉燒肥瘦適中，非常軟腍；白切雞直情滑溜，比出面的海南雞更好食。還有蔥油豉油，送飯一流。咖哩牛腩飯（$38）港式咖哩汁，香濃不辣，牛腩質素好，瘦而不柴，炆得入味夠腍。還有薯仔也炆得鬆化。牛腩份量好足無花假，不過其實薯仔都好好食，私心想要多些薯仔。飲埋杯奶茶，三十幾元，食到飽飽，抵。