Supreme Chicken Pot

荃灣呢條街好多唔同嘅餐廳！比呢間吸引咗😍門口大大隻字記住火鍋放題，雞煲無限食！即刻就揀咗呢間餐廳食晚餐。

佢晚市雞煲放題，平日$178 一個人，仲免加一，唔包括收費小食同啤酒。有張紙仔有11款鍋底同埋好多配菜揀。

雞煲揀咗bb辣，好惹味，雞肉好嫩滑！唔會好多碎骨，食得出師傅斬雞嘅刀功好好！雞件大小適中，非常入味！食完唔夠仲可以無限加，真係好抵玩！之後就可以加湯打邊爐。揀咗娃娃菜，生菜，肩胛肥牛片，豬肉片，豬潤，牛柏葉，蕃茄，仲有最最最最吸引嘅芝士竹輪😍😍😍真係太開心！

雞煲任飲任食嚟講，呢間真係性價比最高！