日木三分 (Closed)

呢間上海菜館已經食過好多次，好抵食，習慣咗佢嘅價錢，一去到啲連鎖上海菜館就覺得好貴呢間舖頭我最推薦嘅一定係話梅骨($78)，每隔一個月就會又想食雖然佢排骨嘅部份肉質比較硬，但係個話梅汁真係好好味，仲會有啲話梅核喺入面，我會"損"埋啲核😂另外叫咗個口水雞($58)，呢個口水雞嘅大部分嘅版本比較唔知，唔係好辣，但係勁重蒜味，見到佢被厚厚嘅蒜蓉覆蓋，當自己食蒜泥雞肉其實幾好味😂最後叫咗個上海粗炒($48)，有椰菜同埋柳松菇，麵質都幾彈牙，但略嫌個汁如果再濃味少少就好啦