赤丸製麵所 (Closed)

今日係運動會既關係,有同學仔提議去赤丸度食,因為一來比較近運動場,而且二來又唔洗等,又唔係話差...但係我今次去食真係覺得有點...首先一行四人叫左以下既野食,日式咖哩吉列豬扒飯,吉列豬扒豬骨湯烏冬,天婦羅湯烏冬,冷烏冬同埋一塊南瓜薯餅唔評論同學仔食既野,先講我叫既 天婦羅湯烏冬 ,炸野我一向麻麻,不過天婦羅因為係日式食物先會叫黎試下,點知一叫就有D後悔,只能以冇味黎形容而且炸漿又幾厚下..有D好"流"既感覺...烏冬方面我覺得還可以...不過碗就大大隻...入邊D烏冬真係小之又小...幾啖就食晒,湯方面就唔係話克濃,比我既感覺都清清地唔錯,同時間我都順手試過下同學叫既豬骨湯烏冬既湯底黎試下..味道都還過得去..但係塊吉列豬扒...就係有D酸酸地既味道...最後叫多左件南瓜薯餅同同學試下,味道還可以,但都係有D流既感覺,四個人食左$161,平均每個人都要40蚊一個餐,對比青衣黎講...赤丸都算幾貴..