洪聖街八號冰室 (Closed)

做咗鴨脷洲街坊咁耐都唔知體育館內有一間冰室。冰室位置要經過活動室後，又另一天地。比起熟食中心那邊又乾淨又舒服，下次打波後又多一個聚腳點。常餐特餐有多款選擇，全日供應。常餐A素餐蛋麵配牛油多士多士即烤脆卜卜，鬆化。甚少素食，嚟個素餐肉好特別，有種獨有香味，有嚼口，煎得不油膩。麵煮得夠爽口，合我要求。奶茶味道好與不好，對一間茶餐廳來講好重要。呢杯奶茶口感順滑，味道濃厚。奶與茶嘅比例得到平衡，恰到好處。