新開張 大家都想試新嘢, 要等係預算之內, 等15分鐘 比我想像中快.
我哋喺門口等位已攞單張睇食咩, 麵食/飯類已包普通熱飲<只有奶茶/咖啡/檸茶/檸水, 好立克/阿華田竟然係無供應 :( >
(普通凍飲+$3.00 , 特飲/台式熱飲 +$6.00, 特飲/台式凍飲 +$8.00)
平均四十零蚊已包飲品又唔算太貴
叫咗兩碗台式牛肉麵 $42.00 -- 以往食開嘅台式牛肉麵湯底係辣嘅, 但呢度係完全唔辣, 欠缺應有嘅風味.
麵質爽滑. 牛肉頗有驚喜, 係厚切牛展, 炆得夠林又夠入味. 
1
咖哩牛腩飯 $42.00 -- 咖哩味道唔錯, 牛腩份量都算多, 但炆得未夠林.
1
鹽酥雞扒 $28.00 -- 入口酥脆, 但味道有啲怪, 唔好食. 而且隔油做得唔夠好, 頗油膩. 
1
飲品ok
埋單 $154.00
