L Place Cafe (Closed)

又到左一年一次的聖誕節當然要食番餐好啦目標係黃金附近新開既Cafe今晚menu除左聖誕餐外，都有散叫既菜式我地一共order左4樣野 香煎帶子意大利飯賣相唔錯，脹卜卜既意大利飯上面放左3粒大大粒的帶子，表面煎至微焦，但咬落一D都吾韌，十分新鮮。相反，飯我覺得煮得稍為偏硬，不夠濕潤，但味道方面尚算不俗，墨汁香濃又吾會腛 意式茄汁虎蝦天使麵顏色吸引，虎蝦十分大隻，肉質爽口彈牙，茄汁做得夠濃稠，但略為偏酸，天使麵有咬口而且無被醬汁浸得過淋，仍保持可口 燒春雞配茄蓉薄荷汁雞肉皮香多汁，食落脆卜卜，好香口又吾咸，配菜有薯波、栗子和菠菜等，十分豐富，只是醬汁方面有D奇怪，因為我地完全食吾到有薄荷的香料呢... 紫薯鮮奶中間有粒漂浮中既棉花糖，造型特別，奶香泡滑，聞時有陣陣既蕃薯味，但入口味道反而不太突出，不過仍值得推介