碼頭故事 (Closed)

好耐冇過黎銅鑼灣覓食，放工時間黎呢邊長期塞車，太心累了所以好耐冇黎。不過朋友介紹呢間四川火鍋，就比下面過黎試下，估唔到又幾好味喎衰鬼！自助醬料區✨選擇唔算好多，但夠晒啦！湯底方面，我哋揀咗，大骨百味湯鍋+牛油紅鍋，本身諗住嗌中辣，但店員話偏辣，即刻轉返小辣先🤣🤣 估唔到又真係幾辣，但辣得好過癮！店員都有教我哋如果真係太辣，可以加呢個油中和返啲辣，好貼心啊真係！火鍋當然唔少得牛，我哋揀咗呢個一米肥牛。本身仲諗點解會叫一米肥牛，點知原來(塊板)真係一米咁長，成張枱咁長啊😂 呢個份量真係無得輸，再加上肉質嫩滑，朋友仲要一食就話牛味好重，好高汁啊真係🤤 必嗌！食肉獸一碟牛點會夠，另外叫咗份安格斯肥牛，呢款既牛味又稍為再重少少，不錯~~有冇朋友仔同我一樣食麻辣火鍋好中意嗌午餐肉😂，午餐肉索咗啲辣真係特別正🥰 呢間既午餐肉唔會一味死鹹👍🏻👍🏻又係打邊爐唔少得既蝦滑，好爽口好新鮮，即使放喺牛油紅鍋果邊都食到佢既鮮味。蔬菜方面，懶人之選就係時蔬拼盤，包括有西洋菜、金針菇、生菜、娃娃菜、栗米、菇以及紅蘿蔔。樣樣都新鮮鮮甜，差啲想嗌多盤🤣紅薯粉就唔洗講啦，放落牛油紅鍋，索晒啲辣都咪話唔正😆😆最後埋單幫手