我哋11點45分嚟到呢已經好多人喺度排隊，好彩入面個場都幾大，夠位畀我哋去食。
我叫咗一個58蚊嘅三文魚雙色蝦丼，一杯熱奶茶。
佢嘅定食除咗包一個主菜外，仲可以出去任食佢嘅自助吧。主菜整體ok，三文魚同蝦都夠新鮮。 至於自助吧有凍海鮮（今日有凍蝦同埋貝殼類）， 幾款熟食（ 炸春捲，燒賣，麥樂雞）， 前菜（ 有泡菜，螺肉， 中華沙律，海蜇，飛魚子->可以攞嚟撈飯），沙律， 甜品（ 一杯杯嘅哈密瓜mousse 最為推薦）， 水果（好甜嘅蜜瓜）。
唯一唔推薦嘅係佢嘅熱奶茶，奶茶比較淡，冇茶香， 所以大家口渴可以自己斟熱水沖玄米茶或者煎茶。
