相聚一刻 (Closed)

好耐無出油尖旺玩，今日黎到呢間「相聚一刻」，一次滿足晒我幾個願望係門口望入去已經見到五光十色，環境勁靚，好吸引呢到有兩層，地下係西餐廳可以飲白酒食生蠔，樓上係酒吧可以同朋友吹水劈酒掟鏢，所以話一次滿足晒我連接兩層既樓梯都好打卡able，好靚！而且燈光氣氛整得非常好，好有心機，樓下光猛食西餐，樓上飲酒有酒吧feel，用左唔用顏色去區分今日黎主要食野，呢到有幾抵既任食生蠔，就算唔係任食都只係$68半打勁抵，其他意粉risotto都好多款式見到咁平就有得食生蠔覺得一定係細細隻又無乜味，點知大有驚喜大大隻之餘食落仲好creamy好鮮，無乜雪藏味，配上白酒一流意粉煮得岩岩好，唔會煲到好淋，好有咬口，而家落左好多黑椒好入味，配料亦放得好足，一上枱個下已經聞到勁香不過我覺得最好食最抵讚都係佢既risotto，飯粒軟身，而且整到勁creamy好入味，食落好香濃奶油味，食到停唔到口