Luk Wo

啱啱今日真係做咗好多嘢都好，又整咗三個風扇燈 ，用發泡膠板修飾埲牆壁，搬咗一個櫃入去細房，兩條影樓背景布的配件，裝咗跳舞室的射燈，裝咗鞋架。拉線出去整咗一個向外照明的燈。

真係好辛苦，啲兄弟一齊幫我，為咗圍爐佢哋請佢地食飯🩷

今次有個兄弟唔舒服，個口痛，牙齦發炎。
之前食完打邊爐，諗住佢幾鍾意打邊爐，所以想請佢打邊爐，點知佢話唔可以打邊爐，又唔可以食熱氣嘢，就唔去之前嗰間打邊爐啦。

所以我哋今次就嚟六和冰室，食啲唔熱氣嘅嘢啦。

滑蛋蝦仁炒蛋，正常發揮啦，蝦仁都算新鮮，唔係好交嗰啲，但都炒得好滑。

滑蛋炒蝦仁

$78

排骨冇食過，但係見啲兄弟完全清晒，就知道好味。

豆卜蒸排骨

$72

另外叫咗粟米魚肚羹，我覺得可以見多少少，略嫌有少少稀。

粟米魚肚羹

$138

梅菜扣肉好惹味，但個人鍾意肥啲，呢一個係半肥瘦嘅。

梅菜扣肉

$83

未餸都幾好食喎，就係娃娃菜炒花枝，
花枝又點爽脆，也不會好煙韌。容易入口。
娃娃菜也很新鮮，很甜，有層次感爽脆。
蝦仁也有蝦味。

娃娃菜炒花枝

$78

而我覺得出街食飯，食晚餐呢度都好抵食，我哋一共六個人，都只係535買單，每個人都有飲一杯可樂。