Bangkok Thai Restaurant

今日嚟試一間曼谷泰菜試下佢下午茶, 佢下午茶嘅款式都多, 而家做緊小食買一送一優惠。咁我哋兩個人分別叫咗個豬扒撈檬、一個芒果糯米飯、另外送嗰個就係泰式鳳爪, 豬扒撈檬份量夠夠兩個人, 食味道唔錯；個芒果糯米飯正常發揮, 冇乜特別；個鳳爪唔係話佢唔好食但係佢嗰個酸汁唔係太啱我個人口味, 係食得落口, 嘅但係未處於話好好食嗰個情況。現場都多人食下午茶而佢哋嘅服務亦都可以講得上係貼心, 地方清潔不再話下, 服務員有錯單漏單會即刻同你跟進, 總括嚟講我會再返嚟食多次。