韓冰 (Closed)

難得約到表哥同佢女朋友，我就帶埋男朋友仔四個人一齊去尖沙咀行街食飯喇xd因為個晚早食飯，又食得5飽，行行下海港城就念起想試好耐嘅韓冰呢到用嘅係半自助式服務，要自己先點餐俾錢後，侍應就會將食物送到你嘅位置上。女仔都係甜品怪，因為想試多幾款，所以我地叫咗四樣野咁多紅豆豆粉綿綿冰呢個係最傳統嘅韓國綿綿冰，表面鋪滿咗豆粉，仲有大量嘅紅豆，再配以麻糬在頂，口感煙煙韌韌，非常豐富。芒果雪花冰芒果大大粒鋪滿冰嘅面，其實每款雪花冰嘅冰底都係一樣的，綿綿冰好細滑，牛奶味5算好濃，而且食到中途就會開始溶得快。oreo雪花冰成個冰嘅表面都充滿住oreo嘅碎碎，其他其實同其他嘅雪花冰無咩分別，不過就係oreo有超級多，幾濃味的濟州綠茶丹麥多士呢個係期間限定嘅綠茶食品多士上佈滿咗年糕，紅豆，同綠茶粉，杏仁。好有層次嘅配搭，用上丹麥麵包好鬆軟嘅口感，年糕煙煙unun，幾特別。再加上紅豆大大粒又甜，呢款值得推介！