米炊 (AIRSIDE)

Open Now

Now Closed

兩個人叫咗原條牛舌，玉子燒，M4肉眼蛋包飯 (蛋一)同M4西冷蛋包飯，兩支梳打，埋單 HKD$880.先講吓做得好嘅地方，坐得好舒服，枱面有4種唔同嘅調味料用嚟點牛肉同牛舌。牛舌真係全場 MVP, 好軟淋同好重燒烤香味，M4肉眼蛋包飯上面塊扒做到 5 成，非常好。OK, 好嘅地方講完，容小弟講唔好嘅地方，首先，900 蚊呢餐飯真係一啲都唔值。先講服務，侍應態度真係麻麻地，Order又唔聽清楚，水冇哂又唔加，明知牛舌冇切開都冇唔攞刀嚟。其次，嘢食質素真係唔多掂，除咗上面提過牛舌同M4肉眼上得枱之外，其他嘢真係搞唔掂。先講交貨玉子燒，用焗爐焗番熱，第一次食個邊焦焦脆脆嘅玉子燒。蛋包飯方面，的確有蛋汁流出嚟，主要係因為蛋汁根本未熟哂，仲有蛋白蛋黃分離嘅情況。M4西冷嘅情況最嚴重，明明要 5 成，第一次嚟喺全熟，第二次嚟係 3 成，切到厚啲嗰部份仲要一啲都唔熱。上枱特登擺埋一邊切，切開之後一啲肉汁都冇，就係一塊乾身嘅雪藏 M4 扒。呢間舖坐底食件 cake ok 嘅，正餐真係唔好試。