Lucky Smash (Closed)

早排行開荃灣，打算周圍捐窿捐罅搵嘢食，點知係條橫街度見到一間新開嘅漢堡包店，佢嘅裝修好似Five Guys咁嘅設計，而且仲見到佢嘅漢堡全部都係即叫即做，所以就買咗個套餐嚟醫下肚。雙層芝士牛肉漢堡$78（加薯條及汽水$98）漢堡包兩邊都有塗上牛油煎香，而兩塊漢堡扒就本身係肉球嚟，再壓扁煎香，做法相當美式🇺🇸，漢堡配上千島醬、芥末醬、洋蔥、蕃茄及生菜絲，食落相當有層次。而佢哋嘅薯條係即叫即炸，兼且係連皮嘅薯條，唔係啲薯仔打爛晒再做返個形出嚟果啲，真係薯味十足!!!