老友記小廚 (Closed)

好小寫食評，上一次係上環路過一間餐廳，今次就係入屯門參加婚禮後，係置樂行完街周圍搵食。
見到呢間老友記好多花牌，最鍾意試新野，見佢新開張就入去試試啦！
由於新開張，老闆係度坐陣，於是就叫佢推介下有咩好食

1

冰震咕嚕肉

老闆首推冰震咕嚕肉，真係無介紹錯，太肚餓既關係，好快就清碟了。

鮑魚雞煲，真心比起出面食到既足料好多，精華所在係啲洋蔥同蔥度，索晒啲汁真係好好撈飯食🤤

雜菜煲，諗住都係正常野，唔會有咩突出或太難食，呢度用左賴尿蝦乾，真係又一加分位

見到老闆同朋友食緊大閘蟹，見到人食自己又想食，咪問下有無得叫囉4可惜老闆話試下水溫，未有得食住，但私人盛左一隻比我食😍
真心話，未係最靚既時候，但係啲膏都好香，過下口癮都好滿足。
今次真係一餐滿意的晚餐，老闆好好人，美中不足之處，餐廳略細，座位有點迫。