花宵 (Closed)

經常搵好嘢食嘅我經朋友推介一新開的日本料理店，刺身新鮮、燒物出色、串燒一流，當然預早訂定位，上來一試！來到當然唔少得叫番個刺身拼盤：油甘魚、銀鱈魚、牡丹蝦、八爪魚、鰹魚。油甘魚厚身肥美，口感細膩甘美。牡丹蝦肉質細滑爽脆，味道鮮甜。鰹魚以醬油漬制成，口感軟腍柔順，味道鮮甜。八爪魚煙韌爽彈，有點點軟骨，令口感更有層次，一食難忘。銀鱈魚火炙後逼出陣陣油脂，入口滿滿油香，魚味香濃。火灸銀鱈魚壽司銀鱈魚油腴細膩，油脂都滲入醋飯之中，更添層次。火灸左口魚邊壽司左口魚經火炙後逼出魚油，油脂四溢，加上脆身紫菜一同品嚐，更加美味。來到花宵居酒屋點可以不試其燒物、串燒呀！串燒火氣十足，即叫即燒，其中免治雞肉(日見)添上蛋黃醬油一起吃，當中啖啖雞軟骨在其中，令口感更有嚼勁，更顯美味。燒扇貝大大隻肥美扇貝經香燒後，味道鮮味，口感爽彈。磯燒鮑魚原隻鮑魚加上了秘制醬汁磯燒，但食落味道唔會太鹹，入口反而有一陣香味，肉質鮮嫩彈牙，濃郁鮮美。