Video
Read full review
2008-05-28
Sun啱啱試過呢間burger，返黎先見到有人係度寫關於佢，我都俾下意見先。嗰日同honey去老蘭見識下啤酒節，諗住之前食啲野墊底。未行到上去老蘭，係陸羽附近搵食，見到呢間未聽過既burger，睇下價錢20幾~30幾一個包，40幾有個set，雖然近來好窮，不過心諗中環算唔貴啦，不如就試下，好食既話都OK嘅。都幾肚餓，叫左一人一份，叫左個牛肉堡同奇趣魚堡set，set可以選配薯仔沙律OR格格薯塊，雖然我好鐘意格格，都想試下新野，各叫一個，加埋汽水，有diet 既，啱晒！位唔多，只係一邊bar台連5張凳，另外兩張圓台，可以企係度食，應該都係主力外賣，好外國feel囉！等左一陣就有野食，都幾快，畢竟唔似M記咁多人，不過係度食，都陸續見到有人外賣(7點幾左右)，應該都算好生意瓜。講返正題，一吋牛肉堡有無一吋我唔知啦，不過覺得整個包都幾大份(對香港普遍女仔黎講)，咬落牛肉幾juicy，雖然我對食物無咩太大要求，不過都知佢同M記更有分別啦，我覺得比較驚喜既係生菜同蕃茄，好新鮮勁大塊，好似M記廣告個D呀（不過入到去M記食就無個ｄ囉），仲有紫洋蔥，個人偏食唔鐘意洋蔥．．．咀尖尖既honey唔食牛，所以
嗰日同honey去老蘭見識下啤酒節，諗住之前食啲野墊底。未行到上去老蘭，係陸羽附近搵食，見到呢間未聽過既burger，睇下價錢20幾~30幾一個包，40幾有個set，雖然近來好窮，不過心諗中環算唔貴啦，不如就試下，好食既話都OK嘅。
都幾肚餓，叫左一人一份，叫左個牛肉堡同奇趣魚堡set，set可以選配薯仔沙律OR格格薯塊，雖然我好鐘意格格，都想試下新野，各叫一個，加埋汽水，有diet 既，啱晒！
位唔多，只係一邊bar台連5張凳，另外兩張圓台，可以企係度食，應該都係主力外賣，好外國feel囉！
等左一陣就有野食，都幾快，畢竟唔似M記咁多人，不過係度食，都陸續見到有人外賣(7點幾左右)，應該都算好生意瓜。
講返正題，一吋牛肉堡有無一吋我唔知啦，不過覺得整個包都幾大份(對香港普遍女仔黎講)，咬落牛肉幾juicy，雖然我對食物無咩太大要求，不過都知佢同M記更有分別啦，我覺得比較驚喜既係生菜同蕃茄，好新鮮勁大塊，好似M記廣告個D呀（不過入到去M記食就無個ｄ囉），仲有紫洋蔥，個人偏食唔鐘意洋蔥．．．咀尖尖既honey唔食牛，所以試左魚堡。我試左一啖，魚堡中間加左塊唔知咩野，估係炸麵粉之類，好脆但唔油，口感幾豐富，魚柳都係，唔油膩，我覺得最好反而係個sauce，講唔出，有D似千島醬，濃味但唔over；不過honey食開好濃，佢就覺得唔夠濃，自己係咁加D地獄醬，隻醬似似地辣既千島醬，佢話覺得呢間既地獄醬都幾滋味，仲話佢地應該俾多ｄ地獄醬wor，佢好似變左食醬唔係食包咁 ！！佢又話覺得個包可以再大份ｄ，肥呀！我覺得個包唔夠軟，如果可以再鬆軟D就good啦！
格格薯塊都OK，脆但唔係硬嗰隻，我食開唔濃，就覺得味道剛剛好，K字頭個D對我黎講太過惹味，好”確”喉，呢度既反而比較啱我。
薯仔沙律似potato mud，我本來想像係一絲絲感覺既沙律，如果可以改成多ｄ綠色就好啦。
食完好飽，比較貼心既係，可以要求將個包切開一半，方便同人share，而且容易ｄ咬落去 。
我覺得就算唔計中環地區，呢間價錢都算合理，始終品質唔同一般M記K記，應該係同Mos記差唔多，不過印象中Mos記平少少，不過ｄ包又細個ｄ，Mos記食日式口味，呢間就比較外國feelD，懷念以前美國讀書食漢堡既日子，唔錯呀，去到附近既話會再幫襯。
Post
