火山燒 (Closed)

慶祝友人脫苦海，出左黎食放題，八點時段無哂位，揀左食十點，嘩嘩，咁夜食好肚餓呀，一坐低就落單劃劃劃。調味有蜜糖，辣醬，燒汁，海鹽，胡椒咁。先上左漁夫沙律，生菜都ok新鮮，少少酸幾醒胃。友人點左蒜油冷麵，個醬汁又調得幾好味。加左88蚊要左海鮮和牛盤，個個都話抵食梗係要加。有大蝦，鮑魚，蜆咁，好吸引呀！店員會幫手燒呢個海鮮盤，放好左加蓋等食啦。是晚送上七味粉大聖子，好鮮甜呀，好味。另叫左各種蔬菜肉串同魚餅，金菇肥牛卷等。海鮮食得啦，燒得啱啱好，真係好新鮮好鮮甜 一路食一路燒其他野，個蠔不算太肥美，個人覺得金菇肥牛卷，車厘茄煙肉卷，大蔥雞肉，芝士年糕，三文魚骨，同各種蔬菜都好好味！燒到咁上下飽，又係時候燒返塊蒜蓉包作結了。加二十蚊可任飲，呢個一定要加，一路燒真係要一邊飲下野解渴加降温。值得加錢食個和牛海鮮盤價錢牌，食到十二點都幾夜，哈哈～味道唔錯，店員有禮貌又講解點燒，不過通風認真麻麻，好大味，一定要著易洗嘅衫去啦。