雲長小龍坎老火鍋 (Closed)

一大班朋友冬天食飯，緊係食麻辣火鍋啦☺️。今次試既又係另一間過江龍，聽講評價好高嫁！-紅油藥膳鍋紅油整體味道比較偏鹹，比一般食到既麻辣鍋重口味，味道好似紅燒嘅味道，再加上麻辣，滾完啲野食好夠味，配佢地既麻油食就岩曬。另一邊係藥膳湯，咁既天氣可以暖一暖身，食物煮完有陣係好香嘅藥材味，鹹度足夠，味道清清地。-極品手切肥牛打邊爐就緊係要牛肉啦，今次就試下佢極品手切肥牛。望落油脂分佈好靚，食落牛味好濃，而且口感嫩滑，值得推介！-另外內臟方面仲試左黃喉同埋毛肚，兩樣都可以話係麻辣火鍋必點嫁啦。整體食材新鮮，處理乾淨，而且價錢唔貴，我覺得性價比幾高嫁。