雲南小鍋米線 (Closed)

好耐冇打食評，因為實在太忙碌。今日要推介尼間米線真係值得一試！（短短一星期食左兩次）店內其實位置都多，有卡位同長檯。由於本身冇諗住寫食評（冇影menu),不過最後都要寫一寫！首先湯底係較為濃味既，有肉碎係底。我揀左係腩肉，豬軟骨酸辣米線！兩者都做得好出色，好入味。湯底揀小辣⋯⋯真係好辣！米線煮得滑，唔會好生！最緊要食完唔口渴，因為我對味精好敏感！老婆揀左個酸辣粉 加鴨腎！鴨腎好食！爽口，又入味，做得好出色！酸辣粉味道夠酸夠辣！越食越惹味！值得推介！