坐低咗當然要落order 點菜喇～舉手🙋🏻冇人理行過叫佢哋落單應完就行咗去，前幾第一次落order 叫咗人4次先會有人黎寫野～我哋叫咗陳醋木耳、萵筍筍涼拌海蜇、什錦鍋巴、乾煸四季豆、當然有唔少得今日嘅主題優惠38蚊大大碗嘅酸菜魚喇！一直等了又等20分鐘到先上咗碟陳醋木耳，大佬好肚餓呀⋯⋯20分鐘先黎得一碟仔陳醋木耳
陳醋木耳:難食真心難食，連肚餓中嘅我食落去都覺得難食，首先唔凍，係唔凍唔係唔夠凍呀～陳醋好似係啱啱淋上去咁又冇蒜蓉加幾粒葱
乾煸四季豆都要食完木耳過多10分鐘到先上菜78蚊好細碟，好少肉碎唔辣冇乜味，上菜時都唔係熱嘅係微暖完全唔值呢個價
等咗成晚終於等到主角出場，Facebook 介紹優惠38蚊2-3人份量嘅無骨酸菜魚⋯⋯一睇呢碗一定唔係酸菜魚，根本係滾酸菜魚湯，我真係見識少我冇食過酸菜魚會有木耳喺入面，用嘅犯芽菜仔唔係大豆芽，酸菜冇味，水多冇乜料，好細心無骨魚，係乜X魚呢？係我哋平時食開急凍食品中嘅魚脷柳👍🏻真係特別到呢仲要得10塊都冇～咁味道又如何？當然係有家嘅味道喇，就係水有d淡淡嘅酸菜味喇～冇其他味，木耳都好奇，黃辣椒都冇條
見到碗野咁，我仲有兩個餸未黎，緊係要拿拿臨cancel 喇～萵筍筍涼拌海蜇真係唔知點解要等咁耐、什錦鍋巴，好彩冇黎到啫～之前見到d留言話有人情味嘅小店，我真係好鬼出奇呢d小店會收每位茶價10蚊又要收加一架喎～又冇服務可言
