Project B (Closed)

好少黎呢區，咁岩去完workshop係附近搵野食，唔係好熟路唔知附近有咩食🤣未行到門口就見到一位職員企係門口落力sell客，我哋都行去睇下有冇岩食，望落都ok就入去試下🤭🤭點知main menu嘅係ok但lunch menu中左伏😫😭·1️⃣Project B小食拼盤($88)有兩條紐倫堡腸、炸蝦同雞翼，略嫌炸蝦炸粉有少少厚🤫仲有一隻炒蛋牛角包🥐炒蛋滑滑，牛角包都好香脆，夾埋一齊食唔錯😚😚·2️⃣黑松露軟殼蟹手打牛肉漢堡($108)大大隻軟殼蟹，炸到脆卜卜👍🏻牛肉漢堡好厚好juicy，一路食啲肉汁一路漏落黎🤤🤤仲配埋薯條，熱辣辣食係無得輸🤟🏻·3️⃣烤肉眼扒配果仁燒汁($88)成餐飯嘅敗筆就係呢個lunch menu嘅肉眼扒🥲surface area好大但其實薄得可憐，每一小塊肉之間都有肥膏或者筋連住，好有茶餐廳嘅感覺🥲🥲肉質好腍無牛味，lunch set嘅湯都好普通，好稀無乜味⋯寧願塊牛扒細少少但質素高返啲先會令人覺得呢個價錢抵食🥲