係 #旺角 #廣華街 對住啲靚錶都係得個睇字
睇完都係返嚟現實 滿足返個肚 食返個 #越南仔 先
── ✦── ✦ ── ✦ ── ✦ ──
ʚ #招牌軟殼蟹配黃薑飯 配 #牙車快沙律(柚子+手撕雞) + #椒鹽脆蛋魚柳 ɞ
軟殼蟹都算大隻同埋蟹味突出
個人幾鍾意佢啲手撕雞
好似有小小燒過咁 幾香
ʚ #皇牌拼盤 (春卷、黑糖鳳爪、蒜香牛油雞翼) ɞ
春卷油份幾多 但配埋啱啱個飯一齊食都幾好
職員推介個紙卷 但我明明無叫 😂
原來嚟錯咗 食食下都收走幫我換返2隻雞翼
雞翼啱啱炸起 脹卜卜咁好吸引
ʚ #椰汁拉茶紅豆冰 + #乳酪越式咖啡 ɞ
飲品就不過不失 不過乳酪咖啡真係未試過
估佢唔到又幾夾 大家去到不妨一試
── ✦── ✦ ── ✦ ── ✦ ──
