The Stadium (Closed)

觀塘真係有好多各式各類嘅餐廳，今次就去咗呢間走美式運動風格既餐廳。呢度地方非常之寬敞，用咗好多唔同運動嘅元素，杯，枱墊，仲有足球機，直播球賽嘅電視等等。嘢食方面都係以美國菜為主。今次要左份安格斯牛肉漢堡，呢個漢堡包真係好！高！分！先講個安格斯漢堡牛肉味勁濃又juicy，其他配料亦都好豐富，有大啡菇，生菜，蕃茄，青瓜，炒洋蔥，煙肉，最有誠意嘅係連芝士都有兩款！啖啖滋味。伴菜嘅薯條都好好味，粗身唔油膩。另外亦要左一份香蒜蜆肉意大利粉，其實呢款意粉只要蜆肉夠新鮮，白酒味夠濃通常已經好好食。我好欣賞呢個就係加咗少少辣椒同埋蕃茄，小小辣同埋酸更加可以提升意粉嘅味道。飲杯野chill下，都真係有一刻以為自己去咗美國旅行。