日日涮 (Closed)

成日去美孚都見到日日涮個廣告牌，一直都想試，老公同囝囝都好鍾意食火鍋！呢度仲要有刺身拼盤同火鍋放題！一定可以大飽肚福！最近趁囝囝早放學唔駛去補習，就同屋企人黎左日日涮食放題！呢間餐廳比較隱蔽，但原來好大，有好多座位而且幾闊落，平日去唔多人，仲坐得幾舒服添！我地試左90分鐘放題，有一份刺身拼盤同一份海鮮，另外任叫美國頂級牛小排、黑毛豚肉及雞腿肉！飲品同小食及蔬菜類都係自己出去任拎，好多款式選擇，菜都好新鮮！不過重點係海鮮同牛肉都好正！海鮮都有好多款俾我地，有鮑魚、蟹、蠔、元貝、蜆，仲有龍蝦！隻龍蝦嚟嘅候啲神經線仲郁緊架！好新鮮！牛小排好肥美，我地翻叫左3-4盤牛肉！價錢比起其他日式放題可能唔係最平，但係我覺得食物質素好好！最後仲有得拎雪糕，完美嘅一餐！值得去試呀！