Law Mark Kee (V City)

屯門最近有好多新開既商場，好似我今次介紹既餐廳就喺新開既Ｖ　CITY地下。有晚同朋友就約左喺果度食晚飯，非常多人，不過等左３個字都入到去喇。

磚頭焗豬扒飯好多人覺得食唔飽，事實上除左中間既飯之外，外面果舊「磚頭」都可以食，食埋等同你食左３塊方包咁多，加埋Ｄ豬扒咁，事實上一般人都會有八成飽了。

紅豆冰粒粒奶茶係必叫之選，除左紅豆冰本身既紅豆之外，佢地用既冰竟然都係紅豆做，飲落又似食紅豆沙，又似飲紅豆冰加奶茶，不過建議當甜品食，因為真係好甜啊

餐廳既食物亦都好有六七十年化既冰室風味，以懷舊做招徠，六七十年代的日常用品全部搬到香港，就連廣告牌都唔放過，走進去，見到有穿著校服既侍應招呼我地，餐牌係學生手冊咁樣，枱櫈 都係六七十年代既樣（我估啦XD），之後就連食物都好舊時既感覺，除了磚頭飯或者紅豆冰奶茶之外，其餘例如撈麫、公仔麫果Ｄ，都係以方便快捷為首，食物好快上到枱（即使佢地寫明時間幾耐，盡會係快過呢個時間完成），呢樣野體現了舊時香港人講求效率既精神。