話說媽咪早幾日去銀座果時見到有間泰國菜，所以相約我一齊黎試下好唔好食~
其實黎之前有d驚驚地係伏，因為同朋友講開電話，佢話開張之後佢黎過食，d野好難食......但約左媽咪，唯有照去啦。去到見到裝修都幾靚，店員帶我去左卡位坐低，仲諗住問佢拎餐牌果時就望到旁邊有一張好大既餐牌
老花都睇到....
我地果日嗌左幾款野食，唔可以話好好食，但都唔係難食架喎~~
串燒拼盤
因為媽咪唔想食串燒牛肉，所以我地同店員講左要豬，雞各3串
點知黎到比左4串豬我地..不過算啦。好彩佢好食啫...d雞肉葉得好入味，豬肉都唔鞋
炸蝦餅
呢個蝦餅熱辣辣炸出黎，好香口，好彈牙
泰式蝦炒金邊粉
呢個可以話係成餐最唔好食既一樣野，但佢又唔可以話係難食，只係味道太淡。唔多夠味到我地要用串燒d沙嗲汁去撈呢個粉......
馬拉盞炒椰菜苗
呢個菜炒得好野味，好香
不過略嫌個菜炒得有少少硬，再林番少少就good 喇！
