ZAKS (Closed)

疫情期間冇得去旅行，估唔到嚟愉景灣食咗一個晚餐，有去咗外國旅行嘅感覺。因為呢度附近嘅大部分都係外國人，而且環境同市區嘅餐廳好唔同，喺廣場行咗一陣，之後再嚟到呢一間餐廳坐喺戶外嘅枱，嗌番隻烤雞加支啤酒，假日來慢慢enjoy下，係一個唔錯嘅選擇。講番食物嘅質素，烤雞嘅味道非常之好，肉質嫩滑。牛肉漢堡夠大份，薯角可以做得更脆。carbonara個汁做得好，芝士同奶味夠重。不過全晚覺得最好食嘅竟然係個pizza，醬汁酸甜甜好開胃。下次假日會再來試下其他菜式。