壹食就醉 (Under Renovation)

食間餐廳係喺一住大廈既一樓，大廈樓下有個姐姐會幫你開閘，上到去一樓門口入去後右邊係一個廳，有兩張大枱同三張細枱，左邊走廊盡頭就係廚房。依度可以打邊爐或者叫小菜，今次我就叫咗三樣小菜。小菜製作需時，幸好依到有兩部電視可供觀賞。第一味係椒鹽鮮魷，魷魚非常新鮮有彈性，火喉準確，唔似啲酒樓咁炸到過哂火。第二味菜係黃金蝦，我係第一次食黃金蝦，係用咸蛋黃包住啲蝦再炸既。一食之下覺得真係好特別，咸蛋黃味道濃郁，蝦肉新鮮結實，好味！暴後黎既係奇妙雞煲，因為佢係唔辣既，唔食辣既人都啱食。啲雞就好入味，個汁濃味之餘味道又豐富，雞肉唔太肥，依隻雞肉質實淨，好啱我食。