分別點咗香葉粉絲大頭蝦煲、迷你小食雙拼（魚餅同春卷）、印尼海鮮炒飯，三色冰一杯，仲有一個泰國椰青。
首先講下香葉粉絲大頭蝦煲，粉絲吸咗啲蝦嘅鮮味，食落去真係好入味！
湯底有啲香葉嘅味道，清新又唔膩～～
然後就係迷你小食雙拼，魚餅口感滑溜，春卷外脆內嫩，咬落去啲餡好豐富，特別係配上甜酸醬，一流！兩樣小食都好開胃🤤
印尼海鮮炒飯不容錯過！
飯粒粒分明，炒得香噴噴，裡面仲有蝦、魷魚同埋青菜，配埋一隻煎蛋，口感豐富
飲品方面，三色冰清涼解渴，裡面有椰漿、紅豆同埋綠色粉圓，甜而不膩，啱啱好。
最後，泰國椰青，椰子水清甜，好解渴解膩！
總括而言，泰屋嘅食物質素高，味道正宗，真係值得再來！🥳🥳🥳
