喜喜冰室 (Closed)

昨天經過九龍灣淘大商場，同朋友搵嘢食，見到間間都滿晒座，就行遠少少發現咗一間冇乜人嘅餐廳，喜喜冰室。就貪佢冇乜人，整潔清淨可以和朋友傾吓計。餐廳嘅設計充滿懷舊氣息，牆壁上還掛着六七十年代明星的照片和電影嘅宣傳海報。打開餐牌看到有一些很特色的套餐，我地三個人分別叫咗不同嘅特色餐，有索女餐，型男餐和全日餐。睇落就係普通嘅材料，但係味道就特別好味喎。尤其是嗰塊多士係同其他茶餐廳唔同㗎係特別好食嘅。同埋要讚嘅就係嗰杯朱古力，谷古味超級香濃，特別推薦給大家。