9 3/4 cafe (Closed)

我同妹妹都係哈利波特迷黎架～哈利波特係我地細個嘅共同回憶，當知道旺角開左間主題cafe，我地即刻約埋一齊黎！一見到個門口已經好有feel～係鳥籠同埋行李箱黎～佈置都落足心思有催狂魔啊！好驚～～～仲有魔仗同哈利式眼鏡可以借用黎影相～當然唔少得9 3/4月台啦～準備好做哈利波特師妹/師弟未？好！介紹下野食，一開始係比環境吸引黎，所以對食物都無咩特別期望，估唔到！！有驚喜～所有野食都以哈利波特入面嘅角色/咒語命名，回憶返晒黎呢！落單可以叫返角色名/野食名都得～奶油啤酒$48 一定係經典中嘅經典！不過放心無酒精成份，係汽水加忌廉黎架！呼呼南瓜現（南瓜湯）$28以新鮮南瓜打成，唔係罐頭貨～噗噗蘭（芝士焗西蘭花）$38好多忌廉汁同芝士！暴暴吞（芝士黑松露煙肉焗薯條）$48呢個差不多每枱都叫～係用我最愛嘅粗嘅波浪薯條加芝士、黑松露同煙肉焗架！熱辣辣做到拉絲效果～黑松露味又香，好味！路莫斯（芝士蜆肉磨菇燴意大利飯）$88米粒分明、入口煙韌，好creamy。估唔到cafe 會食到咁高質嘅意大利飯～暴走矮豬怪（黑毛豬配香草汁）$138好juicy，油脂豐富，有嚼勁，豬味好濃。個人認為唔洗蘸汁都已經好夠味。