Video
Read full review
2017-11-25
178 views
南記開左咁多年，可以話由細食到大。既然係咁就評佢一評。話說今日餓餓地，除左一個粉之外加左個小食豪一豪佢。今日主打，春卷牛𦟌小鍋小食是五香淮鹽魚片頭好～入正題，去相！$43尚在算大大碗，但其實價錢黎講係偏高既，招牌河先廿幾蚊，佢就黎貴成倍，但係個開胃既感覺係第度冇既。唔講仲以為加左白粉，食到人上癮。酸辣黎講，南記做得唔錯，酸比辣剛剛好（小辣既話）咁先食到味道，太辣搶哂所有野既味。講配料，九菜腐竹芽菜肉碎，都幾多野架，但家下變左集團野，睇下呀姐心情好唔好，有時芽菜都唔多條。大名鼎鼎既春卷，放湯食吸吸湯汁，野味非常。唔入湯，直食夠脆口，可以話係名物。個人黎講黎得南記唔食春卷不如唔好黎，道理好似kfc唔食雞，打邊爐冇肥牛一樣。牛𦟌相對普通，但都好食既。呢個片頭可以話又愛又恨，外皮夠脆，但油得很，每咬一口都驚血管會爆，油！肉夠滑，可惜唔夠彈牙，同謝記比差一皮，但兩樣野黎，呢度賣滑，果度賣彈牙，況且人地執左。最驚喜係五香淮鹽，好多地方用椒鹽但佢用淮鹽，五香味好出，好香，將片頭提升一個層次。總括黎講，呢間野越黎越貴，食個粉加幾粒片頭盛惠$58大元。唔係唔好食，只係食完心有戚戚焉。
既然係咁就評佢一評。
話說今日餓餓地，除左一個粉之外加左個小食豪一豪佢。
今日主打，春卷牛𦟌小鍋
小食是五香淮鹽魚片頭
好～入正題，去相！
春卷牛𦟌小鍋
$43
13 views
0 likes
0 comments
$43尚在算大大碗，但其實價錢黎講係偏高既，招牌河先廿幾蚊，佢就黎貴成倍，但係個開胃既感覺係第度冇既。
唔講仲以為加左白粉，食到人上癮。
酸辣黎講，南記做得唔錯，酸比辣剛剛好（小辣既話）咁先食到味道，太辣搶哂所有野既味。
講配料，九菜腐竹芽菜肉碎，都幾多野架，但家下變左集團野，睇下呀姐心情好唔好，有時芽菜都唔多條。
春卷
17 views
0 likes
0 comments
大名鼎鼎既春卷，放湯食吸吸湯汁，野味非常。唔入湯，直食夠脆口，可以話係名物。
個人黎講黎得南記唔食春卷不如唔好黎，道理好似kfc唔食雞，打邊爐冇肥牛一樣。
牛𦟌
38 views
0 likes
0 comments
牛𦟌相對普通，但都好食既。
五香淮鹽魚片頭（細）
$15
20 views
0 likes
0 comments
呢個片頭可以話又愛又恨，外皮夠脆，但油得很，每咬一口都驚血管會爆，油！
肉夠滑，可惜唔夠彈牙，同謝記比差一皮，但兩樣野黎，呢度賣滑，果度賣彈牙，況且人地執左。
最驚喜係五香淮鹽，好多地方用椒鹽但佢用淮鹽，五香味好出，好香，將片頭提升一個層次。
總括黎講，呢間野越黎越貴，食個粉加幾粒片頭盛惠$58大元。唔係唔好食，只係食完心有戚戚焉。
Post
