星期五都唔知點解條街禁多人既~想食餐飯姐~係旺角行足半個鐘都搵唔到野食~差唔多間間餐廳都等成十幾二十張台,我地就決定去女人街試一試~睇下會唔會有一間唔洗等既餐廳醫肚....
行行下就見到呢間餐廳無人排隊~入面都叫做滿座,就試下啦~
入面既環境比較暗,想形做氣氛,但係因為大家都細聲講大聲笑~
感覺就差小小禁lor
我地入到去二話不說就選擇左個人套餐~見佢咩都有~應該ok啦
餐湯有雜菜湯同埋西蘭花忌廉湯選擇,我飲既忌廉湯,味道唔錯,唔會淡到水禁
但係佢跟渺上既蒜溶包就差d啦~味道係ok的~但可惜係凍既,一d都唔脆
9" Pizza - 緊局配菜青椒&洋蔥,另外有數款配菜提供選擇~可選兩款,我地就選擇左三文魚同埋波羅
凱撒沙律 - 呢個我無食到~因為本身唔鐘意食沙律~但係我朋友仔話不過不失,都叫做新鮮.....
Main Course, 有焗飯同埋意粉選擇~由於野田貓獨愛肉醬意粉,所以我地就選擇左肉醬意粉
至於餐飲方面~覺得d野食都唔錯~可以一試佢地既特飲...味道唔錯~唔會一味得個甜字
到最后~亦係我最鐘意同埋最滿意既甜點,真係+20蚊去轉呢個心太軟完全覺得抵到爛~真係好味到不得了~唔會太甜,個蛋糕底又脆脆地~好香既朱古力味...好味到不得了~
