利寶閣 (Closed)

好少過銅鑼灣，今日朋友約咗去利舞臺(利寶閣)食飯， 利舞台已變成一座好高級的商場，酒樓十分寬敞，坐得好舒服，我最鍾意係酒樓提供個別的餸菜可分為大或小份，至啱我哋細食的客人，可以叫多幾款嚟試。酒樓推出優惠，穀飼叉燒蛋飯餐，有兩款，早市係配老火例湯，晚上就配鮑參佛跳牆。厚切叉燒好鬆軟又有密汁香味，加埋隻香煎荷包蛋十分惹味。翠綠炒斑球(小)$108喜歡食魚的我當然是首選，班片夠新鮮，肉質嫩滑 。鮑參佛跳牆，滿滿的湯料，有魚翅、鮑魚、響螺、雞腳、雞肉等，湯味好甘香又可滋潤吓。欖仁蟹肉桂花炒瑤柱例$128，瑤柱、再配上蟹肉、欖菜等炒得非常鮮味。飯後提供免費紅豆沙糖水。